Hamburg ca. 1860. Litografi av Wilhelm Heuer. 

I 1857 oppstod det ei internasjonal krise. Fleire internasjonale finanshus hadde komme i vanskar som følgje av børskrakk og bobletendensar i aksjemarknadene i USA og Storbritannia. Mange finanshus måtte innskrenke utlånsverksemda si. Også finanshusa i Hamburg fekk problem. 

Norske eksportbedrifter var avhengige av finanshusa i Hamburg. Noregs Bank vedtok å sende sølv til Hamburg med båt. Sølvet blei sett inn som innskot i finanshusa. Det styrkte evna og viljen deira til å halde fram med å betene dei norske kundane sine. Å sende delar av sølvbehaldninga til Hamburg bidrog til at det blei lettare for norske låntakarar å få kreditt. 

Avgjerda om å sende sølvet blei teken av Noregs Bank si avdeling i Christiania og ikkje av hovudkontoret i Trondhjem, som enno ikkje hadde telegraflinje. Hovudkontoret stilte seg seinare bak avgjerda som avdelinga hadde teke.