Norske bankkonsern finansierar eigedelar i norske kroner ved å ta opp lån i utanlandsk valuta. Gjennom marknadane for valutabyter vekslar bankkonserna valuta til kroner og styrer likviditeten i ulike valutaer over tid. Tilpassinga gjer marknadane for valutabyter til ein sentral del av det finansielle systemet. I artikkelen ser eg nærare på korleis bankkonserna vekslar utanlandsk valuta om til norske kroner, kva risikoar som er knytt til dei ulike strategiane, og kva sårbarheitar tilpassinga kan ha for det finansielle systemet. Til slutt drøftar eg kvifor bankkonserna har tilpassa seg som dei har gjort, og kva som eventuelt kan bidra til å endra tilpassinga eller redusera sårbarheitane knytt til denne.