Talet på kortbetalingar auka vidare i 2013. Norske innbyggjarar er framleis i verdstoppen når det gjeld kortbetalingar per år. Samtidig minka uttaket av kontantar frå minibankar og uttak i samband med varekjøp. Det kan indikere at kontantar blir brukte stadig sjeldnare i Noreg. Kortbruken i utlandet og kortbruk i samband med varekjøp over Internett heldt fram å vekse sterkt i 2013. Dette har medverka til at bruken av internasjonale betalingskort utgjer ein stadig større del av den samla kortbruken.